Aniversario de Erea

 Hoxe celebramos os catro anos de Erea, e invitounos a unha pizza que estaba riquísima, foi ela mesma a que elaborou a masa e armou os ingredientes. Fíxoo xenial!!

Volume coa plastilina

 Na aula seguemos a traballar o concepto de volume dunha maneira creativa e manipulativa empregando esta vez, plastilina. 

A cada alumna e alumno entregóuselle un pequeno anaco co que puideron experimentar libremente, modelando diferentes creacións segundo a súa imaxinación.

Ao longo da actividade foron aparecendo bechos, teléfonos, letras, pequenas esculturas e moitas outras formas sorprendentes. Ademais de desenvolver a creatividade, esta proposta permitiulles mellorar a motricidade fina, observar as formas no espazo e comprender mellor como os obxectos ocupan volume.

Podcast Letras Galegas

Con motivo do Día das Letras Galegas 2026, as nenas e nenos das escolas de Barciela e Paredes participaron nun podcast moi especial en Radio Salgadiña dedicado á figura de Begoña Caamaño. Ao longo do programa, compartiron reflexións e curiosidades sobre a autora, achegándose á súa obra dunha maneira creativa e participativa. Unha experiencia radiofónica chea de ilusión, lingua e cultura galega.

Queres escoitalo? 

Percorremos o Camiño de Santiago

 No marco do programa Vexo, Vexo, Xacobeo, do Plan Proxecta+, o alumnado das escolas de Figueirido, Bértola  e Paredes realizamos unha andaina polo Camiño de Santiago, percorrendo o camiño dende a escola de Figueirido ata a capela de Santa Marta.

Nesta actividade tamén contamos coa participación e visita do alumnado de infantil do CEIP de Tenorio, compartindo deste xeito, unha xornada de convivencia e descubrimento do noso patrimonio.

 

Visita á Base Helitransportada do Campiño

 Os nenos e nenas de 5 anos viviron unha xornada moi especial coa súa visita á Base Helitransportada de O Campiño. Foi unha experiencia chea de emoción, aprendizaxe e descubrimentos, na que puideron coñecer de preto o importante labor que realizan os profesionais encargados da prevención e extinción de incendios.

Nada máis chegar, o alumnado foi recibido polo equipo da base, que lles explicou dun xeito próximo e adaptado como traballan cada día para coidar e protexer os nosos montes. 

Un dos momentos máis emocionantes da visita foi poder ver de preto o helicóptero.

Ademais, tamén tiveron a oportunidade de coñecer os camións e o material que empregan os equipos de emerxencia.