Aniversarios de Marwa e Martiño

 Hoxe, os pequerrechiños do cole, celebraron o seu cumple. Fixeron un biscoito de cenotiss e lavaron e prepararon a froita.

Parabéns Marwa e Martiño!!

                   

         

               

             

    

    

        

Construcións con LEGO e moita organización - Sesión de RobotiCRA do 5 de novembro

A

 Construcións con LEGO e moita organización - Sesión de RobotiCRA do 5 de novembro 

Nesta sesión de RobotiCRA, traballamos con LEGO (en concreto co set 11042) un material que sempre esperta moitísima curiosidade e ganas de crear. Antes de comezar a construír, fixemos unha pequena reflexión conxunta sobre como é mellor ter o material organizado para atopar as pezas de forma máis rápida e sinxela e, feito isto, colocamos as pezas organizadas por cores.

Despois, por equipos, seguimos as instrucións paso a paso, seleccionando as pezas axeitadas, respectando as quendas e colaborando para conseguir o resultado final. Foi un momento de moita concentración e traballo cooperativo, no que cada un tivo o seu papel.

Unha vez rematadas as construcións, chegou o momento de desmontar e volver clasificar as pezas por cores, reforzando así a importancia da orde, a responsabilidade compartida e o coidado do material.

Tamén houbo espazo para a construción libre, aínda que a maioría do grupo se sentiu especialmente atraída por recrear os modelos tan divertidos e chamativos que aparecían na caixa, desexando conseguir o mesmo resultado que nas imaxes.

Foi unha sesión moi completa, na que combinamos organización, cooperación e creatividade a través do xogo con LEGO. 

A aventura robótica do Samaín - Sesión de RobotiCRA do 22 de outubro.

 A aventura robótica do Samaín - Sesión de RobotiCRA do 22 de outubro.

Nesta sesión de RobotiCRA, celebramos o Samaín dunha maneira moi especial: con robots! Utilizamos os robots EARL para propoñer unha actividade chea de misterio.

Antes de comezar co xogo principal, o alumnado tivo un tempo de manipulación libre para explorar os movementos dos robots: como avanzar, xirar, retroceder… Desta forma, puideron comprender mellor como funcionan e gañar confianza antes de poñerse en acción.

Logo chegou o reto: os nenos e nenas tiñan que programar o robot EARL para desprazarse por casillas de diferentes cores. Cada vez que chegaban á cor indicada, collían un tarriño misterioso, e ao iluminálo coa lanterna aparecía dentro un elemento do Samaín (cabazas, morcegos…). O obxectivo era atopar ese mesmo debuxo noutro cesto e colocálo no panel correspondente asociado á cor do tarriño, ata descubrir todas as imaxes ocultas.

Nesta sesión tamén tiveron moito protagonismo os maiores, que xa controlan perfectamente os robots e axudaron aos máis pequenos a guiar os seus movementos, demostrando unha vez máis a súa autonomía e capacidade de colaboración.

Foi unha proposta moi motivadora, na que mesturamos o xogo simbólico, a tecnoloxía e o espírito do Samaín, fomentando o traballo en equipo e a aprendizaxe compartida.

Convertémonos en robots con Let’s Go Code! - Sesión de RobotiCRA do 15 de outubro

 Convertémonos en robots con Let’s Go Code! - Sesión de RobotiCRA do 15 de outubro

Nesta sesión de RobotiCRA, demos os primeiros pasos no mundo da robótica empregando o recurso Let’s Go Code. Antes de comezar a traballar con robots de verdade, debemos vivenciar en primeira persoa o que significa programar e moverse seguindo instrucións.

O alumnado creou diferentes paneis no chan coas pezas do recurso empregado, formando camiños polos que os “robots” (eles e elas mesmas) tiñan que desprazarse. Por quendas, uns facían de robots e outros de programadores, encargados de guiar verbalmente os seus compañeiros e compañeiras para chegar ao destino correcto.

Antes de empezar, reflexionamos sobre que movementos poden facer os robots (avanzar, xirar, retroceder...) e descubrimos que, igual que as máquinas, nós tamén precisamos recibir ordes claras para movernos no lugar axeitado. Iso si… para que os robots comezasen a funcionar, había que “encendelos” premendo o botón imaxinario de ON, que cada "robot" escollía o lugar no que o tiña ubicado. 

Foi unha sesión moi divertida e participativa, na que experimentamos de forma corporal e lúdica conceptos básicos de programación e pensamento computacional, sempre adaptados ás idades de infantil.