A Escola de Paredes forma parte do CRA de Vilaboa, Consuelo González Martínez.
Con motivo do Día Escolar da Paz e da Non Violencia, a nosa escola recibiu a visita de Anxo Moure, que nos deleitou con contos cheos de paz, respecto e convivencia.
Co seu estilo próximo e divertido, conseguiu captar a atención do alumnado e facernos reflexionar sobre a importancia da empatía, o diálogo e os pequenos xestos cotiáns para construír a paz.
Agradecemos a súa visita, que fixo desta celebración unha experiencia moi especial e significativa.
Durante estas semanas estivemos a traballar o inverno a través de diferentes propostas lúdicas e motivadoras. A partir desta temática, o alumnado desenvolveu o razoamento, a numeración e a lóxica matemática mediante actividades manipulativas e xogos adaptados á súa idade. Tamén se traballou a motricidade fina e grosa, empregando diversos materiais que favoreceron a experimentación e a creatividade. Ademais, continuamos avanzando no proceso de lectoescritura, achegándonos dun xeito significativo e divertido. Todas estas propostas promoveron a participación activa, a curiosidade e o gusto por aprender, convertendo o inverno nunha oportunidade chea de aprendizaxes e descubrimentos.
