A Escola de Paredes forma parte do CRA de Vilaboa, Consuelo González Martínez.
No marco do programa Vexo, Vexo, Xacobeo, do Plan Proxecta+, o alumnado das escolas de Figueirido, Bértola e Paredes realizamos unha andaina polo Camiño de Santiago, percorrendo o camiño dende a escola de Figueirido ata a capela de Santa Marta.
Nesta actividade tamén contamos coa participación e visita do alumnado de infantil do CEIP de Tenorio, compartindo deste xeito, unha xornada de convivencia e descubrimento do noso patrimonio.
Os nenos e nenas de 5 anos viviron unha xornada moi especial coa súa visita á Base Helitransportada de O Campiño. Foi unha experiencia chea de emoción, aprendizaxe e descubrimentos, na que puideron coñecer de preto o importante labor que realizan os profesionais encargados da prevención e extinción de incendios.
Nada máis chegar, o alumnado foi recibido polo equipo da base, que lles explicou dun xeito próximo e adaptado como traballan cada día para coidar e protexer os nosos montes.
Un dos momentos máis emocionantes da visita foi poder ver de preto o helicóptero.
Ademais, tamén tiveron a oportunidade de coñecer os camións e o material que empregan os equipos de emerxencia.
Hoxe chegou a nosa escola a “Patrulla reciclaxe”, iniciativa educativa integrada no programa Ponte a Zero, co fin de concienciar aos nosos nenos e nenas sobre a xestión de residuos.
Moitas grazas profe Xelo,
Estamos moi felices de ter compartido este tempo contigo na escola.
Grazas por axudarnos, sobre todo nas actividades artísticas, por estar aí cando o precisamos, por facernos rir e por acompañarnos en cada aventura
Esperamos que aprenderas moito connosco e que estivésemos á altura das túas expectativas.
Desexánosche o mellor!!
