A arte no Outono

 Creamos fermosas composicións artísticas con elementos naturais como follas, landras e castañas, experimentando coas súas formas, cores e texturas.

Para rematar, cada unha e cada un púxolle nome a súa obra de arte. 

Unha actividade sinxela, manipulativa e moi enriquecedora, na que o outono se converte en arte e cada creación é única e especial. ❤️

Ademais, estimulamos a creatividade, a motricidade fina e a exploración sensorial.

    

  

                                                                 

           

 

 

 

                                                                      

    

                                                                 

    

                                                                   

                                                                  

                             

                                                              

                        

                                                                

                                                                   

                                                           

Descubrimos o Outono a partires do conto O ladrón de follas

 Durante estes días, na escola, estamos a traballar arredor do conto “O ladrón de follas”, escrito por Alice Hemming, ilustrado por Nicola Slater e publicado pola editorial Jaguar. Unha divertida historia na que os protagonistas, un esquío e un paxaro, nos achegan ao marabilloso mundo do outono e aos seus cambios na natureza.

A través deste conto estamos descubrindo as follas, as súas formas, tamaños e cores, ao tempo que desenvolvemos a creatividade, a observación, a motricidade fina e a linguaxe.

Para iso, estamos a realizar diferentes propostas e actividades:

🍁 Descubrimos as formas das follas, colocamos follas naturais debaixo dun folio e, empregando ceras brandas, frotamos suavemente ata que aparecen as súas formas e nervaduras. Unha actividade coa que descubrimos as pegadas que deixa a natureza no papel.

🍂 Clasificamos follas, observamos as diferentes follas que recollemos e agrupámolas segundo o seu tamaño: pequenas, medianas e grandes. Así traballamos a observación, a comparación e a clasificación.

🐿️ Creamos os protagonistas do conto,  utilizando os policubos, construímos os personaxes principais desta historia: o esquío e o paxaro. Xogamos coas formas e coas pezas para dar vida aos nosos protagonistas.

🎨 Debuxamos o outono, damos renda solta a nosa creatividade debuxando o esquío e as follas, empregando as fermosas cores propias desta estación: amarelos, laranxas, vermellos e marróns.

    

🔤 Xogamos  coas letras entre as follas, agochamos diferentes letras entre unha morea de virutiñas de follas e, coa axuda da observación e da asociación, buscamos as necesarias para construír tres palabras moi especiais: ESQUÍO, PAXARO e FOLLAS. Unha maneira divertida de achegarnos ás letras e á linguaxe escrita

🌳 Creamos árbores de outono, presentamos unha árbore sen follas e diferentes tarxetas con patróns de cores. A partir delas, os peques deben completar a árbore colocando as folliñas correspondentes e seguindo a secuencia de cores que aparece en cada tarxeta. Unha proposta coa que traballamos a atención, a observación, a asociación e a lóxica matemática mentres xogamos coas cores do outono. 🍂

Magosto

 Hoxe celebramos o Magosto na Lagoa de Castiñeiras, houbo tempo de paseo, de xogos populares e como non, de comer castañas!!

Foi unha mañá inolvidable, todas e todos xuntos, acompañados das nosas familias!!

Grazas por estar sempre ahí e facer posible a celebración do Magosto!!

                    PASEOS POLA LAGOA

     

              

                     XOGOS  POPULARES 

                            Os zancos

                               A corda

                               Os sacos

              

                                O pano

                          Encesta a piña

                            MERENDA