O alumnado de 6.º de Infantil realizou unha visita moi especial ao colexio no que comezará unha nova etapa o vindeiro curso. Esta experiencia permitiulles coñecer de preto algúns dos espazos e das persoas que formarán parte do seu día a día a partir de setembro.
Durante a visita, percorreron a biblioteca, un lugar cheo de historias, aventuras e aprendizaxes. Tamén visitaron a que será a súa futura aula e coñeceron á súa titora, que lles deu unha agarimosa benvida.
Ademais, tiveron a oportunidade de entrar na aula de Inglés e na de Música, onde descubriron algunhas das actividades que poderán facer alí.
A xornada continuou cunha rica merenda con froitas como sandía e melón e pizzas de queixo.
Para rematar esta fantástica mañá, gozaron dun tempo de xogo libre, no que puideron explorar os espazos e seguir creando recordos desta experiencia tan especial.
Sen dúbida, foi unha visita moi enriquecedora que lles axudou a afrontar con ilusión e confianza o paso a Primaria. Agora xa coñecen un pouco mellor o que lles espera e están preparados para comezar esta nova aventura! 📚🎶🍎🍕✨
BIBLOTECA
No hay comentarios:
Publicar un comentario