Hoxe tivemos unha visita moi especial, unha redeira. Recibimos a Begoña, que veu compartir con nós un oficio tradicional cheo de historia, saber facer e tradición. Foi unha experiencia moi enriquecedora para todo o alumnado, que puido coñecer de primeira man como se traballa neste oficio e cal é a súa importancia dentro da nosa cultura.
Durante a xornada, Begoña explicounos as ferramentas, os materiais e o proceso de elaboración, amosando con moita paciencia cada paso do traballo. Ademais, tivemos a oportunidade de participar activamente e valorar o esforzo e a dedicación que require este tipo de profesións tradicionais.
Esta actividade enmárcase dentro do noso PDI, CRArte, no que estamos a investigar e poñer en valor os oficios tradicionais e o traballo artesanal, durante o segundo trimestre. Sen dúbida, a visita de hoxe axudounos a comprender mellor a importancia de conservar estas tradicións e transmitilas ás novas xeracións.
Moitas grazas, Begoña, por compartir o teu tempo e o teu saber connosco. Foi unha experiencia moi especial!
No hay comentarios:
Publicar un comentario